Kecárna Playlisty
Obnov stránku
Desktop verze
Horní menu

Ja Nuns Hons Pris - text

playlist

Ja nus hons pris ne dira sa raison
Adroitement, se dolantement non
Mais par effort puet il faire chançon
Mout ai amis, mais povre sont li don
Honte i avront se por ma reançon
Sui ça deus yvers pris

Ce sevent bien mi home et mi baron
Ynglois, Normant, Poitevin et Gascon
Que je n’ai nul si povre compaignon
Cui je lessaisse por avoir en prixon
Je nel di pas por nule retraçon
Mes encor sui ge pris

Or sai je bien de voir certeinnement
Que je ne pris ne ami ne parent
Quant on me faut por or ne por argent
Mout m’est de moi, mes plus m’est de ma gent
Qu’aprés ma mort avront reprochement
Se longuement sui pris

N’est pas mervoille se j’ai le cuer dolant
Quant mes sires met ma terre en torment
S’il membrast de nostre soirement
Quo nos feïsmes andui communement
Je sai de voir que ja trop longuement
Ne seroie ça pris

Ce sevent bien Angevin et Torain
Cil bacheler qui or sont riche et sain
Qu’encombrez sui loing d’aus en autre main
Forment m’amoient, mais or ne m’ainment grain
De beles armes sont ore vuit li plain
Por ce que je sui pris

Contesse suer, vostre pris soverain
Vos saut et gart cil a cui je m’en clain
E por ce que je sui pris
Je ne di mie a cele de Chartain
La mere Loeys

Text přidal DevilDan

Tento web používá k poskytování služeb, personalizaci reklam a analýze návštěvnosti soubory cookie. Používáním tohoto webu s tím souhlasíte. Další informace.